Түбән Камада Вахитов проспекты буенча хәрәкәт ике көнгә чикләнә

Түбән Камада асфальт-бетон япманың өске катламын ябу буенча эшләр башлана.

Эшләр Сүбәләк урамыннан алып, Химиклар — Вахитов проспектлары боҗрасына кадәр барачак.

Шуңа бәйле рәвештә, 31 августтан алып, эшләр тәмамланганчы хәрәкәт тулысынча чикләнә:

• 31 август көнне Сүбәләк урамыннан алып, Химиклар проспектына кадәр хәрәкәт чикләнәчәк (җөп саннар ягы).
• 1 сентябрь — Химиклар проспектыннан алып, Сүбәләк урамына кадәрге участокта (так саннар ягы).