Түбән Камада сәламәтлек мөмкинлекләре чикле балалар өчен хуҗасыз этләр приютына экскурсия оештырылды

Түбән Камада сәламәтлек мөмкинлекләре чикле балалар хуҗасыз этләр өчен «Добрые руки» дип аталган приютта булып кайттылар. Хәзер приютта 160тан артык эт бар.

Балалар һәм яшүсмерләр өчен экскурсия үткәрделәр, этләрнең характеры турында сөйләделәр. Балалар рәхәтләнеп дүрт аяклы дуслар белән уйнадылар һәм аларны ашаттылар. Приют җитәкчесе әйтүенчә, хайваннар белән аралашу балаларның психик сәламәтлегенә уңай йогынты ясый.