Түбән Камада милли киемнәр презентациясе һәм иҗат коллективлары концерты узачак

Бишенче февральдә Түбән Камада «Милли мәдәниятләр мозаикасы» фестивале узачак. Чара Халык иҗаты йортында оештырыла.

Фестиваль программасында милли костюмнарны тәкъдир итү һәм «Уен Фест» интерактив уен программасы планлаштырылган.

Моннан тыш, шәһәрлеләр өчен иң яхшы иҗат коллективлары чыгыш ясаячак һәм милли-мәдәни җәмгыятьләрнең һөнәрчелек мәйданчыклары оештырылачак. Фестиваль 11 сәгатьтә башлана. Керү ирекле. Чара Милли мәдәниятләр һәм гореф-гадәтләр елына багышланачак.