Түбән Камада «Дружба» һәм «Алмаш» комплексларында ремонт эшләренең төгәлләнү вакыты билгеле булды

Түбән Камада «Дружба» спорт-сәламәтләндерү комплексын реконструкцияләүне октябрь уртасында тәмамлау планлаштырыла. Бу хакта Түбән Кама районы башкарма комитеты җитәкчесе Роман Булатов сөйләде.

Башка спорт объектларына килгәндә, 3 нче спорт мәктәбендә эшләрне 1 сентябрьгә тәмамларга планлаштыралар, «Алмаш» та ачык спорт мәйданчыгы төзелгән, 8 капиталь объект өчен нуль циклы формалаштырылган, биналар монтажлана, база чаңгы сезонына ачылачак. «Факел» да барлык ремонт эшләре тәмамланган, хәзер инвентарь һәм мебель белән комплектлау бара.