Түбән Камада бер атна эчендә юл-транспорт һәлакәтендә өч кеше зыян күргән

Узган атнада «ашыгыч ярдәм» бригадалары түбәнкамалыларны коткарырга 1 181 тапкыр юлга чыккан.

Түбән Кама үзәк хастаханәсе матбугат хезмәте хәбәр иткәнчә, бер атна эчендә юл-транспорт һәлакәтендә 3 кеше зыян күргән. Инфаркт белән кабул итү бүлмәсенә 13 пациент китерелә, инсульт белән 19 кеше хастаханәгә эләгә.

4 кеше пешкән җәрәхәтләр белән табибларга ярдәм сорап мөрәҗәгать иткән. 90 пациент көнкүрештә һәм урамда төрле җәрәхәтләр алган. 110 кеше табибларга респиратор авыру билгеләренә зарланган. 

Узган атнада ашыгыч медицина ярдәме бригадалары тарафыннан хастаханәгә 467 пациент китерелгән, шуларның 220се хастаханәгә озатылган, калганнарына кабул итү бүлмәсендә ярдәм күрсәтелгән.