Түбән Камада бер атна эчендә 59 бала дөньяга килгән

Бер атна эчендә Түбән Камада 59 бала туган, шуларның 15е — башка шәһәрнекеләр.

Шәһәр балалар хастаханәсенең кабул итү бүлмәсендә — 371 мөрәҗәгать, перинаталь үзәкнең кабул итү бүлмәсендә 101 мөрәҗәгать кабул ителгән.

587 бала поликлиникага ОРВИ диагнозы белән килгән. 401 пациент травматология пункты табибларына ярдәм сорап мөрәҗәгать иткән.

Хатын-кызлар консультациясендә 1 186 йөкле хатын-кыз исәптә тора. Стационар дәвалануда 295 пациент бар. Яңа туган һәм вакытыннан алда туган балалар патологиясе бүлегендә 29 бала һәм 17 әни дәвалана.