Түбән Камада бер атна эчендә 48 бала туган

Түбән Кама перинаталь үзәгендә бер атна эчендә 48 бала туган, шуларның 15е башка шәһәрләрдән. Бу хакта шәһәр балалар хастаханәсенең матбугат хезмәте хәбәр итә.

Моннан тыш, перинаталь үзәкнең кабул итү бүлмәсенә 94 тапкыр, балалар хастаханәсенә — 355 мөрәҗәгать итәләр.

647 пациент поликлиникага ОРВИ диагнозы белән килгән, ә 365 бала травмпункт табибларына ярдәм сорап мөрәҗәгать иткән. Стационар дәвалануда 270 пациент бар.

Моннан тыш, хатын-кызлар консультациясендә 1 220 йөкле хатын-кыз исәптә тора. Яңа туган һәм вакытыннан алда туган балалар патологиясе бүлегендә 24 бала һәм 15 әни дәвалана.