Түбән Камада бер атна эчендә 44 бала туган

Узган атнада Түбән Кама перинаталь үзәгендә 44 бала дөньяга килгән, шуларның 13е — башка шәһәрдән. Бу хакта хастаханәнең матбугат хезмәте хәбәр итә.

Шәһәр балалар хастаханәсенең кабул итү бүлмәсендә 372 мөрәҗәгать теркәлгән, 92 мөрәҗәгать перинаталь үзәкнең кабул итү бүлмәсендә кабул ителгән. 482 бала поликлиникага ОРВИ билгеләре белән килгән. 361 пациент травматология пункты табибларына ярдәм сорап мөрәҗәгать иткән.

Хатын-кызлар консультациясендә 1 223 йөкле хатын-кыз исәптә тора. 281 пациент стационар дәвалануда. Яңа туган һәм вакытыннан алда туган балалар патологиясе бүлегендә 21 бала һәм 6 әни дәвалана.