Түбән Камада бер атна эчендә 42 бала дөньяга килгән

Түбән Кама перинаталь үзәгендә бер атна эчендә 42 бала дөньяга килгән. Шуларның бишесе — чит шәһәрләрдән, дип яза шәһәр балалар хастаханәсенең матбугат хезмәте.

Моннан тыш, хатын-кызлар консультациясендә 1 247 йөкле хатын-кыз исәптә тора. Ә яңа туган һәм вакытыннан алда туган балалар патологиясе бүлегендә 17 сабый һәм 14 әни бар.

Бер атна эчендә хастаханәнең кабул итү бүлмәсенә — 360, перинаталь үзәкнең кабул итү бүлмәсенә 75 мөрәҗәгать килгән. Тагын 550 бала ОРВИ диагнозы белән хастаханәгә килгән һәм 438 пациент травмпункт табибларына ярдәм сорап мөрәҗәгать иткән. Стационар дәвалауда 264 пациент бар.