Түбән Камада автобусларда йөрүче пассажирлар күләме бер елда 6 тапкыр арткан

Түбән Каманың шәһәр автобус маршрутларында бер ел эчендә пассажирлар агымы 6,25 тапкыр артты.

2021 елда шәһәр автобусларында 800 меңгә якын пассажир йөргән, быел — 5 миллионга якын кеше.

Бу хакта НТР 24 телеканалына Түбән Кама муниципаль районы башкарма комитеты җитәкчесе урынбасары Рафаэль Игтисамов сөйләде.

Мондый нәтиҗәгә яңа автобуслар сатып алу, эшне оештыру һәм җәмәгать транспорты белән идарә итү нәтиҗәсендә ирешелде.