Түбән Камада 15 кешелек команда контракт буенча хезмәт итәргә китте

Түбән Камада контракт буенча хезмәт итәргә китүчеләрне озаттылар. Чара 7 ноябрь иртәсендә хәрби комиссариат бинасы янында узды.

Түбән Камадан 15 ир-ат Көньяк хәрби округы подразделениеләрендә хезмәт итәчәк, шул исәптән махсус хәрби операциядә катнашачак.

Хәрбиләргә теләкләрне Түбән Кама районы башлыгы урынбасары Александр Умников, Түбән Кама хәрби комиссары Газинур Ситдыйков, руханилар, локаль сугышлар һәм хәрби конфликтлар ветераннарының Түбән Кама бүлекчәсе вәкилләре, шулай ук туганнары җиткерде.