Түбән Кама яшь тамашачылар театры 22 гыйнварда «Җәлил» театр комплексында беренче спектакльне күрсәтәчәк

Түбән Кама яшь тамашачылар театры үзенең яңа бинасында беренче спектакльне 22 гыйнварда күрсәтәчәк. Бу «Апушның тылсымлы төшләре» спектакле булачак. Афишаны хакимиятнең матбугат хезмәте бастырып чыгарган.

28 гыйнварда «Щелкунчик, или тайна ореха Кракатук» спектаклен күрсәтәчәкләр, 4 февральдә — «Как Кощей Бессмертный на Василисе женился», 5нче февральдә-«День рождения кота Леопольда».

10 һәм 11 февральдә өлкәнрәк балалар өчен «Маленький принц», ә 18 һәм 19 февральдә «Мертвые души» ны әзерлиләр.

Исегезгә төшерәбез, 2022 елның 28 декабрендә Түбән Кама яшь тамашачылар театры рәсми рәвештә «Җәлил» театр комплексында өй туе үткәрде.