Машиналарны техник карау кагыйдәләре үзгәрә

Коронавирус инфекциясе таралу куркынычсызлыгы максатыннан, Россия Дәүләт Думасы канунга берничә үзгәреш керткән. Моңа кадәр 3-7 еллык автомобильләр ике елга бер тапкыр техник карау узарга тиеш иде. 3 елга кадәрге машиналар тикшерү үтмәгән. Яңа таләпләр буенча, җитештерү вакытыннан 4 елдан артмаган машиналар караудан азат ителә. Ике елга бер тапкыр 4-10 еллык, ел саен аннан «өлкәнрәк» автомобильләр тикшерелә. Чыгару вакыты биш елдан узмаган пассажир транспорты елына бер тапкыр карала, боларга такси, автобуслар, кеше йөртү өчен кулланыла торган йөк машиналары керә.