Татарстанлыларга республикада язның кайчан башланачагы турында сөйләделәр

Әлегә Татарстанда февраль өчен аномаль салкын һава торышы урнашты. Төнлә термометр баганалары −27 градуска кадәр күрсәтә. Әмма атна ахырына республикада һава торышының җылынуы көтелә.

Татарстанда язны кайчанрак көтәргә? Әлеге сорауга КФУ метеорологы Юрий Переведенцев җавап бирде.

«Климат нормасы буенча Казанда яз 30 марттан 3 апрельгә кадәр башланачак», — дип билгеләп үтте эксперт.

Моннан тыш, Переведенцев кар явудан курыкмаска кирәклеген ассызыклады. Иң куркынычы — бозлы яңгыр. Алар шәһәрне тоташ шугалакка әйләндерә, диде синоптик.