Татарстанда Кама буенча навигация 25 апрельдә башланачак

Быел Татарстанда Идел буйлап навигацияне 22 апрельдә, Кама буйлап — 25 апрельдә башларга планлаштыралар.

ТРның кече үлчәмле суднолар буенча баш дәүләт инспекторы Юрий Венедиктов «Татар-информ» да узган матбугат конференциясендә сөйләгәнчә, әлегә судагы хәл катлаулы. Язгы боз китү процессы дәвам итә. 

Татарстан халкын суда куркынычсызлык кагыйдәләрен үтәргә чакыралар. Сулыкларда кечкенә көймәдә йөргәндә коткару жилетларын кию мәҗбүри.