Татарстанда атна ахырына кадәр салкын булачак

Татарстанда салкын һава торышы ял көннәренә кадәр саклана. Бу хакта ТР Гидрометеорология үзәге хәбәр итә.

Иртәгә, 30 ноябрьдә, явым-төшем көтелми. Көндез бераз кар яварга мөмкин. Төнлә −13..-18 градус салкын, көндез −7..-12 градус. 

1 декабрьдә көндез явым-төшем ихтималы аз. Төнлә −12..-17 градуска кадәр, ә көндез −7..-12 градуска кадәр салкын, дип искәртә синоптиклар.

Метеорологларның якынча мәгълүматлары буенча, 2 декабрь, җомга көнне, явым-төшем аз була. 3 декабрьдә, шимбә көнне аерым районнарда кар яву күзәтелә. Төнлә термометр баганалары −11, −16, аязган вакытта −19 градуска кадәр төшәчәк. Көндез 7-12 градус тирәсендә салкын була.