Роспотребнадзор Россиядә коронавирус эпидемиясе активлашуы турында кисәтә

Россиядә коронавирус эпидемиясе кабат активлаша. Бу хакта Роспотребнадзорга сылтама белән «Российская газета» хәбәр итә, дип яза Татар-информ.

Роспотребнадзорда хәбәр итүләренчә, февральнең беренче атнасында илдә бу инфекцияне йоктыруның 60 меңнән артык яңа очрагын теркәгәннәр. Бер атнада авыручылар 33 процентка арткан.

Хәзер коронавирусның «омикрон» штаммы, аның геновариантлары өстенлек итә.

Россиядә 1 миллионнан артык кеше грипп һәм сулыш юлларында вируслы кискен инфекция белән авырый. Бер атнада авыртучылар саны 11 процентка арткан.