Ноябрьдә Россиядә 2 миллионнан артык кеше хезмәт хакына өстәмә алачак

Ноябрь аенда бюджет учреждениеләре хезмәткәрләре һәм гражданлык дәүләт хезмәткәрләре 5,5 процентка индексацияләнгән хезмәт хакы алачак. Гомумән алганда, өстәмә түләү 2 миллионнан артык кешегә кагыла, дип хәбәр итә «Российская газета» РФ Хөкүмәте каршындагы Финанс университеты профессоры Александр Сафоновка сылтама белән.

Ул бәяләр арткан саен халыкның сатып алу сәләтен саклап калу мөһимлеген искәртә. Моннан тыш, күрсәтелгән категориядәге россиялеләрнең хезмәт хакларын индексацияләү коммерция секторында керемнәр үсешенә йогынты ясаячак.

«Бюджет хезмәткәрләренең керемнәре товар һәм хезмәт җитештерүчеләргә дә эш урыннарын саклап калырга ярдәм итә», — дип аңлатты белгеч.

Сафронов билгеләп үткәнчә, хезмәт хакы арту шулай ук дәүләт хезмәткәрләренә дә кагылачак, алар хезмәт күрсәтүче белгечләр, дәүләт бюджет мәдәният, фән, сәламәтлек саклау һәм мәгариф учреждениеләре хезмәткәрләре сыйфатында эшлиләр.

Исегезгә төшерәбез, Россия Президенты Владимир Путин указы буенча дәүләт хезмәткәрләренең хезмәт хакы 1 октябрьдән 1,055 тапкырга артачак.

Күрсәтелгән категорияләрдән тыш, Саклану министрлыгы системасында эшләүче хезмәткәрләрнең хезмәт хакын индексациялиләр. Алар өчен түләүләр 10-20 процент чикләрендә арта.