Май чабу бәйрәменә иң тәмле белен пешерү ысулы

Май чабу атнасы башланып китте. Шул уңайдан, кояштай түгәрәк, тәмле, челтәрле белен пешерик, дуслар!

Кирәк:

• 2 йомырка
• 1 ч.к. тоз
• 2 а.к. шикәр комы
• 500 мл кефир
• кайнап торган су — 200 мл
• 1 ч.к. сода
• он 300 гр
• 4 а.к. үсемлек мае 

Әзерләү:
1. Йомыркаларны тоз-шикәр белән кушып болгатырга. 
2. Бүлмә температурасында булган кефир кушарга. 
3. Бер стакан кайнар суга 1 чәй калагы сода салып болгатырга
4. Эрегән соданы кефир янына салырга. Масса артып, күпереп китәчәк. 
5. Яхшылап болгатканнан соң, акрынлап он кушарга.
6. 4 аш кашыгы үсемлек мае салып болгатырга. 

Беленнәрне кызган табада ике яклап пешерәбез. Беренче беленне пешерер алдыннан табаны бераз майлап алсаң да ярый. 
Ашларыгыз тәмле булсын!

freepik.com