ХӘБӘРЛӘР

Кабул итү

Җәмәгатьчелекне кабул итү бүлмәсе халыкны түбәндәге җитәкчеләр һәм белгечләр белән очраштыра.
27 ноябрьдә 14.00 сәгатьтә – «Россия пенсионерлары берләшмәсе» оешмасының Түбән Кама муниципаль районы бүлеге рәисе Тәгъзимә Садыйкова, ТРның кеше хокуклары буенча вәкаләтле вәкиленең Түбән Кама муниципаль районындагы ярдәмчесе Тамара Трошина; 27 ноябрьдә 15.00 сәгатьтә – гигиена һәм эпидемиология үзәге вәкилләре, үзәк район даруханә мөдире Өлфәт Шәрхемуллин сораулага җавап бирәчәк. Алдан 8(555)36-05-62 номеры белән шалтыратып язылыгыз.

Хезмәт хакы арта

Түбән Кама укытучыларының хезмәт хаклары артачак.
Бюджет һәм финанслау департаменты җитәкчесе Светлана Логинова мәгълүматы буенча, 2020 елдан укытучылар 1000 сумга күбрәк алып, уртача хезмәт хаклары 34,5 мең сум тәшкил итәчәк. Өстәмә белем бирү педагогларына 4000 өстәп, хезмәт хакларын 35 мең сумга җиткермәкчеләр. Киләсе елдан тәрбиячеләр – 27,9 мең, мәдәният хезмәткәрләре 31 мең, яшьләр сәясәте һәм спорт өлкәсендәге белгечләр 22 мең сумга кадәр алачак.

Эш башланды

Шәһәрдә чыршы мәйданчыкларын бизи башладылар.
Алар, елдагыча, сигез урында урнашачак, шуларның дүртесен бизәүне – предприятиеләр, калганнарын шәһәр үз өстенә алды. Бизәү һәм ачу тантаналарына барлыгы 10 миллион сум акча тотылачак. Сүз уңаеннан, мәйданчыкларны ачу 20 декабрьдән соң булыр, дип көтелә.

«Калдыкларны – керемгә!»

акциясе кысаларында бер тоннага якын макулатура тыпшырылган, пластик шешә, калай банкалар һәм целлофан пакетлар җыелган.
Бу чара берничә ел рәттән «Мобэко» компаниясе белән берлектә экология-биология үзәге тарафыннан үткәрелә.