Илая, Сильвия, Севара: Түбән Кама ЗАГСында мартта балаларга бирелгән сирәк исемнәрне атадылар

Түбән Кама районы ЗАГС идарәсендә мартта балаларга бирелгән иң популяр һәм сирәк исемнәрне атадылар.

Малайлары туган әти-әниләр арасында Матвей, Мирон, Рамазан, Әмир исемнәре бик популяр булган. Кызларныкы: София, Амелия, Элина, Милана.

Мартның сирәк исемнәре: Илая, Сильвия, Севара, Левон, Тим, Яхья.

Язның беренче аенда Түбән Камада 219 бала туган, малайлар һәм кызлар тигез диярлек — 109 һәм 110. 

Бер гаиләдә игезәкләр дөньяга килгән. Сигез пар дүртенче тапкыр әти-әни булган, дүрт гаиләдә бишенче балалар туды.