Бәйрәм көннәрендә Түбән Кама балалар поликлиникаларының эшләү тәртибе билгеле булды

Түбән Камада 29 апрельдән 1 майга кадәр балалар поликлиникаларының эш графигы үзгәрәчәк. Бу хакта хастаханәнең матбугат хезмәте хәбәр итә.

29 апрельдә балалар поликлиникасының икесе дә иртәнге сәгать сигездән көндезге сәгать икегә кадәр эшләячәк. Табибны өйгә 8:00 сәгатьтән 13.00 сәгатькә кадәр 44-77-72; 44-77-73; 44-77-74; 44-77-75; 44-77-76; 44-77-77 телефоннары аша чакырырга мөмкин була.

Ә менә 30 апрельдә һәм 1 майда кискен ихтыяҗ булган очракта Менделеев урамындагы перинаталь үзәге булган балалар хастаханәсенең кабул итү бүлмәсенә мөрәҗәгать итәргә кирәк.

Хатын-кызлар консультациясендә 29 апрельдә иртәнге сәгать сигездән көндезге сәгать икегә кадәр дежур табиблар кабул итәчәк.