«Бәясе артса да, алалар»

Бәяләре бик арзан булмаса да (ун данәсе 129 сум), кайберәүләр көн саен килеп сатып ала. Бәясе тагын да югарырак күтәрелер дип куркалар, күрәсең. 

Азык-төлек базарында да шул ук хәл. Беренче кергән кибеттә, мәсьәлән, унысын 135 сумга саталар иде. «Ләкин кешеләр барыбер сатып ала, кая барсыннар инде», — диләр сатучылар. «Татарстанстат» мәгълүматлары буенча, узган елның соңгы аенда гына да йомырка бәясе 15 процентка арткан, ә бер елда республикада тавык йомыркасына бәя 52 процентка күтәрелгән. Әгәр узган ел унысын якынча 70 сумга алырга мөмкин булса, быел декабрь аенда бәяләр 100 сумнан артып китте. 

Белгечләр әйтүенчә, йомырка бәясе Яңа ел алдыннан булган шау-шу белән бәйле. Бәйрәм алдыннан ашамлыкларның бәяләре арту ел саен күзәтелә. Бу чимал бәясе, транспорт чыгымнары артуга да бәйле. Җәй ахырында, мәсәлән, тавык продукциясенең кыйммәтләнүен барыбыз да күрде. Йомырка бәясе артуга килгәндә, республиканың федераль салым хезмәте бу уңайдан тикшерү алып бара.