Түбән Камада 80 нче чаңгы батальоны батырлыгына багышланган чаңгы узышлары узачак

Түбән Камада 25 гыйнварда 80 нче чаңгы батальоны батырлыгына багышланган чаңгы узышлары буенча V ачык кубок узачак.

Гадәттәгечә, йөгерү «Батыр» базасы территориясендә оештырыла. Ярышларда Түбән Кама районы спортчылары гына түгел, башка өлкәләрдән дә кунаклар катнашыр дип көтелә. Чара Бөек Ватан сугышында Җиңүнең 80 еллыгына багышланган гражданлык-патриотик айлык кысаларында узачак.

Ярышларда тиешле әзерлек һәм медицина рөхсәте булган егетләр, кызлар, юниорлар, юниоркалар, ир-атлар, хатын-кызлар катнаша ала.

Спортчыларны җиде яшь категориясенә бүләчәкләр. Хатын-кызлар 1,5 км, ирләр 3 км йөгерәчәк. Ярышлар ирекле стильдә уздырыла. Мәктәп укучылары арасында шәхси һәм команда зачетында тиешле спорт әзерлеге булган 7 нче сыйныф укучылары катнаша ала.

Шулай ук 31 гыйнварда Түбән Кама шәһәр зиратының мактаулы гражданнар аллеясында, 80 нче аерым чаңгы батальонының 19 солдаты җирләнгән туганнар каберлеге янында Хәтер митингы узачак.

Моннан тыш, гражданлык-патриотик айлык кысаларында Түбән Кама районы территориясендә 300дән артык төрле чара узачак.