22 июньдә Түбән Камада Җиңү монументы янында истәлекле митинг узачак

Бөек Ватан сугышы башлануга 82 ел тулу уңаеннан Түбән Камада Хәтер һәм кайгы көне билгеләп үтеләчәк. Бу хакта шәһәр администрациясенең матбугат хезмәте хәбәр итә.

Пәнҗешәмбе, 22 июньдә, шәһәрдә бу көнгә багышланган берничә чара узачак.

• 4.00 сәгатьтә Җиңү монументы янында истәлекле митинг узачак, анда Мәңгелек утка чәчәкләр салачаклар;
• 12.00 сәгатьтә Җиңү монументы янында гомумшәһәр митингы;
• 12:15 сәгатьтә Бөтенроссия тынлык минуты узачак.
• 21.00 сәгатьтә шәһәр халкын «Хәтер шәме» Бөтенроссия акциясендә катнашырга чакыралар.

Шулай ук бу көнне шәһәр җитәкчелеге 80 нче аерым чаңгы батальонының унтугыз сугышчысын искә алачак һәм шәһәр зиратындагы туганнар каберенә чәчәкләр салачак.