Түбән Камада күпме кеше яши?
Бөтенроссия халык санын алу нәтиҗәләре буенча, Түбән Кама муниципаль районында 277 544 кеше яши, шуларның 145 247се – хатын-кызлар һәм 132 297се – ир-атлар. Әлеге мәгълүматлар Федераль дәүләт статистикасы хезмәте сайтында урнаштырылган.
Мәгълүматлар буенча, шәһәрдә 255 389 кеше яши, шуларның 134 334е – хатын-кызлар, 121 055е – ир-атлар. Районда – 22155 кеше яши, шуларның 11 242се – ирләр, ә 10 913е – хатын-кызлар.
Татарстанда, халык санын алу нәтиҗәләре буенча, барлыгы 4 004 809 кеше яши.
Исегезгә төшерәбез, Бөтенроссия халык санын алу узган елның 15 октябреннән 14 ноябренә кадәр үткәрелде. Аны өч төрле ысул белән үтәргә була иде: гадәттәгечә, исәпкә алучы өйгә килгәндә, мөстәкыйль рәвештә Дәүләт хезмәтләре порталында яки исәпкә алу пунктында.
Түбәнкамалыларга 33 сорауга җавап бирергә кирәк иде. Шуларның 23е – социаль-демографик, тагын 10сы – торак шартларына кагылышлы.
Мондый масштаблы статистик тикшерү соңгы тапкыр 2010 елда үткәрелде. Ул чакта Түбән Кама муниципаль районының халык саны 272 023 кеше тәшкил иткән.
"Одноклассники"да сезне көтеп калабыз.
Следите за самым важным и интересным в Telegram-каналеТатмедиа
Нет комментариев