Түбән Камада Яшьләр көнен бәйрәм итү вакытында юллар ябылачак

Бу хакта район хакимияте матбугат хезмәте хәбәр итә.

Шулай итеп, 17.00-23.00 сәгатьләрдә Кызыл Чишмә бистәсендә Кама елгасы яры буендагы юл ябык булачак: “Рамус” сәүдә үзәге янындагы өске парковкадан алып “Пробудиловка” борылышына кадәр. Бакчаларга йөри торган маршрут автобусларын бу  кагылмаячак.

Моннан тыш, 22.00-23.00 сәгатьләрдә Кама елгасында су транспортының барлык төре өчен хәрәкәт чикләнә.

Әлеге юлны Кызыл Чишмә бистәсенең эчке юлы – Пробудиловка авылы маршруты аша hәм бакчаларга барыр өчен мәйдан аша урап узарга мөмкин.