Татарстанда юл-транспорт һәлакәтенә ешрак эләгүче машина йөртүчеләрнең исемнәре аталды

Быел Татарстанда юл-транспорт һәлакәтенә ешрак Альбина исемле автомобиль хуҗалары эләгә (33%).

Икенче урында — Екатерина (32 %), өченчедә — Роман (27 %). Статистика буенча мәгълүматны «Согласие» иминият компаниясе тәкъдим итә. 

Валентина, Дамир һәм Руслан исемле йөртүчеләр, киресенчә, иң сак шоферлар булып чыккан — бу исемнәрне йөртүчеләр белән 2023 елда бер генә авария дә теркәлмәгән.

Россиягә килгәндә, монда антилидерлар өчлеген Регина, Данил һәм Дарья исемле йөртүчеләр тәшкил итә. Шунысы кызык, Мәскәү төбәгендә юл-транспорт һәлакәтенә эләккәннәрнең яртысы диярлек Спартак исемле.