Татарстанда илдәге иң зур бавырсакны тәкъдим иттеләр

Казанда үткән Сабантуйда Россия рекорды теркәлде: Менделеевск районы вәкилләре үзләрнең ишегалдында илнең иң зур бавырсагын тәкъдим иттеләр.

Ризыкның авырлыгы 1 634,6 килограмм тәшкил итә, бу элеккеге рекордсмен бавырсакныкыннан җиде тапкыр күбрәк.

Менделеевск районы бавырсагын пешерү өчен 700 килограмм камыр һәм бер тоннадан артык шикәрле бал киткән. Ул өч көн әзерләнгән, аны җыюда утыз кеше катнашкан.

Казанда Сабантуйны 24 июньдә билгеләп үттеләр.