Россиядә 2024 елдан газ бәяләре артачак

Россиядә 2024 елның июленнән газ бәяләре 8 процентка артачак.

Тагын бер арту 2025 елның июлендә булачак, бу Федераль монополиягә каршы хезмәтнең 12 июльдәге боерыгы буенча эшләнә.

Бәя арту кулланучыларның барлык категорияләренә — халыкка да, сәнәгатькә дә кагыла. Әйтик, киләсе елның июленнән Татарстанда мең кубометр газ өчен бәя 5 482 сум тәшкил итәчәк, ә 2025 елдан — 5 921 сум.

Хәбәр ителгәнчә, акчалар төбәкләрне социаль газлаштыруга һәм кулланучылар өчен яңа газүткәргечләр төзүгә юнәлдереләчәк. Шунысын да билгеләп үтәргә кирәк, соңгы тапкыр бәяләр 2022 елның беренче декабрендә 8,5 процентка күтәрелгән.