Ришат Төхвәтуллин Андрей Малахов тапшыруында чыгыш ясады

Татар эстрадасы җырчысы Ришат Төхвәтуллин Андрей Малаховның «Песни от всей души» тапшыруында кунак булды. Тапшыру 3 декабрьдә эфирга чыкты. 

Татар артисты танылган башкаручы Тарканның «Dudu» хитын башкарды, ә аннары Малаховка биргән интервьюсында үзенең тормыш һәм иҗади карьерасы тарихын сөйләде. Тамашада шулай ук җырчының әнисен дә күрсәттеләр.

Ришат Төхвәтуллинга 33 яшь. Ул Пермь өлкәсендә туган, ләкин соңыннан аның гаиләсе Башкортстанга күченгән, анда ул бөтен балачагын үткәргән һәм музыкаль белем алган. Төхвәтуллин туган республикасында да, Татарстанда да тыңлаучылар мәхәббәтен яулады. Аның Башкортстанның һәм Татарстанның атказанган артист исемнәре бар.

Моңа кадәр без Түбән Камада 1,5 пар никахлашкан дип язган идек.