Рамил Муллин Түбән Кама мэры итеп сайланды

Аның кандидатурасын «Бердәм Россия» фракциясе тәкъдим итте. Рамил Муллин әлеге постка бердәнбер кандидат була. Депутатлар Муллин кандидатурасын бертавыштан хуплады.

Исегезгә төшерәбез, Рамил Муллин узган елның 4 октябрендә Татарстан премьер-министры Алексей Песошин тәкъдиме белән шәһәр һәм район Советларының чираттан тыш сессияләрендә Түбән Кама районы Башкарма комитеты җитәкчесе вазифасын башкаручы итеп билгеләнде. 10 ноябрьдә Түбән Кама муниципаль районы Советы депутатлары Рамил Муллин  кандидатурасын  хуплады.

Сентябрь аенда Рамил Муллин шәһәр Советына сайлауларда җиңеп, шул уңайдан, Башкарма комитет җитәкчесе вазифасыннан китте. Хәзер бу вазыйфаны Роман Булатов башкара.