Июль уртасыннан россиялеләр аварияне европротокол буенча рәсмиләштерә алачак

15 июльдән Россия халкы аварияне ЮХИДИ хезмәткәрләреннән башка гына, электрон рәвештә рәсмиләштерә алачак. Бу хакта Россия автостраховкалаучылар берлеге хәбәр итә.

Аварияләр буенча зыянны электрон рәвештә «Дәүләт хезмәтләре» сайтында шәхси кабинет аша кире кайтару турында гариза биреп рәсмиләштерергә мөмкин булачак. Моның өчен ОСАГО кагыйдәләрендә каралган барлык документларның күчермәләрен кушарга кирәк булачак. Моннан тыш, иминият компаниясе вәкиле белән алга таба да онлайн режимда аралашу мөмкин.