Түбән Камада креатив тюбинглар фестивале узачак

Түбән Кама яр буенда креатив тюбинглар фестивале узачак. Бу хакта чараны оештыручылар хәбәр итә.

Катнашу өчен тюбингларны «Әкияти-халык мотивлары» темасына бизәргә кирәк булачак. Тюбинглар хәрәкәтенә комачауламый торган һәм катнашучыларның һәм тирә-юньдәгеләрнең сәламәтлеге өчен куркыныч тудырмый торган теләсә нинди технология һәм өстәмә җайланмалар, аксессуарлар куллану рөхсәт ителә. 

Гаризалар 4 гыйнварга кадәр 8 (987) 187-20-97 номерына Ватсап буенча кабул ителә. Заявкада команда исемен һәм кеше санын күрсәтергә кирәк.

Фестиваль үзе 5 гыйнварда көндезге 12 сәгатьтә башлана. Шулай ук яр буенда Раштуа уеннары — конкурслар һәм эстафеталар узачак.