Түбән Кама балалар бакчасында һава еланнары фестивале булды

Түбән Каманың 99 нчы балалар бакчасында һава еланнары фестивале узды. Конкурста сатып алынган һәм үз куллары белән ясалган кораблар, кошлар, геометрик фигуралар формасындагы һава еланнары тәкъдим ителде. Парадта 60тан артык модель катнашты.

Елан очышына карап жюри әгъзалары урыннар билгеләде. Әлбәттә, иң яхшыларын сайлау җиңел булмады. Өлкәннәр озак киңәшләшкәннән соң иң креатив һәм матур уенчыклар Эллария Ситдикова һәм Раяна Шакировада дигән фикергә килгән. Калган катнашучылар юату призлары һәм бүләкләр алды.