Моннан илле ел элек...

1962 елда, ягъни моннан ярты гасыр элек төшереп алынган бу фотоны редакциябезгә Түбән Каманың сәламәтлек саклау ветераны Фатыйх ага Хәйбуллин алып килгән иде. Биредә сез шул чагында Зур Афанас авылы дәваханәсендә эшләгән медикларны күрәсез. Бәлки, аларның кайберләре шушы фотоны газетада күреп, үзләрен һәм бергә эшләгән иптәшләрен танырлар. Ак халатлы бу ханымнар һәм туташлар районыбыз авылларында яшәүчеләрнең һәм биредә яңа шәһәр төзергә килгән беренче эшчеләрнең сәламәтлеге сагында торган.