Чисталык үзебезнең кулларда

Табигатьне күзәтү, аны өйрәнү, сакларга омтылу — балаларның рухи дөньясын баета, уйларга өйрәтә.

Шул максатны күздә тотып, без — тәрбиячеләр — балалар бакчасында тирә-якны өйрәнү, табигатькә сакчыл караш, экологик тәрбия бирүне дә күз уңыннан читтә калдырмыйбыз. Ә моңа балаларны кече яшьтән өйрәтеп кенә ирешергә мөмкин. Без балалар бакчасында табигатьне күзәтүгә, аны өйрәнүгә, саклауга кагылышлы бик күп чаралар үткәрәбез.

«ЭкоЯз-2023» Бөтенроссия акциясе кысаларында, бакчага йөрүче сабыйлар белән берлектә шәһәр халкына үз кулларыбыз белән ясалган тирә-юньдәге табигатьне сакларга чакыручы рәсемнәр тараттык. 

Мин, киләчәктә балалар табигатькә аңлы, сакчыл карарлар, табигать ярдәмчеләре булырлар дип ышанам.

Рәфилә Хөснуллина, 66 нчы балалар бакчасы тәрбиячесе
Фото https://vk.com/66detskiysad сайтыннан.