Түбән Каманың әтиләр советы командалары арасында йөзү буенча ярышлар узды

31 нче лицейның йөзү бассейнында Түбән Каманың әтиләр советы командалары арасында йөзү буенча ярышлар узды.

Барлыгы стартка 60 әти һәм 120 егеттән торган 30 команда чыкты.

Ярышлар программасына эстафета да кертелгән иде. Әтиләрнең үзләре әйтүенчә, мондый чараларда катнашу — бик яхшы физик йөкләнеш кенә түгел, бу — балаларга үрнәк булырлык сәламәт яшәү рәвешен пропагандалау да.

29 нчы мәктәпнең әтиләр советы, «Адымнар» гимназиясе һәм 31 нче лицей командалары иң яхшы нәтиҗәләргә ирештеләр.