Түбән Камада тагын бер пар ЗАГСтан соң сайлау участогына килде

Руслан һәм Алена Фәсхетдиновлар бу карарны көтмәгәндә кабул итә. Элегрәк алар сайлау участогына икенче көнне барырга ниятлиләр. Ләкин никах теркәлгәннән соң, сайлау участогына кереп, кандидатлар өчен тавыш бирергә дигән беренче гаилә карары кабул ителә, дип хәбәр итә шәһәр ЗАГСының матбугат хезмәте.

Искәртеп узабыз, Түбән Камада ЗАГСтан соң ук сайлауларга киткән беренче пар Иван һәм Алина булды. Законлы рәвештә никахларын теркәгәннән соң, алар халык иҗаты йортындагы сайлау участогына килде.

Фото: НМР буенча ЗАГС идарәсе