Түбән Камада яшәүче гаиләне «алтын» туйлары белән котладылар

Түбән Камада Надежда һәм Петр Илюхиннар шәһәр ЗАГСында бергә яшәүләренең 50 еллыгын билгеләп үттеләр.

Надежда һәм Петр 1974 елның 28 декабрендә гаилә кора. Ярты гасыр эчендә ир белән хатын өч ул тәрбияләп үстерәләр, хәзер аларның алты оныгы бар. Илюхиннарның гомуми хезмәт стажы 88 ел тәшкил итә.

«Бу гаиләнең озак еллар бергә яшәүләренең төп сере — сабырлыкта, ярдәмләшеп, бер-береңне хөрмәт итеп яшәүдә. Петр Ивановичны һәм Надежда Константиновнаны «алтын» туйлары белән котлыйбыз! Алга таба да нык һәм яратучан гаилә үрнәге булып яшәгез!» — дип котладылар ЗАГС хезмәткәрләре юбилярларны.