Түбән Кама районында 125 кешедән торган гаилә тапканнар

Түбән Кама районының Колмакчы авылында тулы составта йөздән артык кешедән торган гаилә яши.

Идиатуллиннар гаиләсе «Венец всех ценностей — СЕМЬЯ!» проектында катнашты. Аның максаты — авыл гаиләләре, аларның тарихы, талантлары һәм гореф-гадәтләре белән танышу. Проектны китапханәче Дания Гайфеева башлап җибәрде.

Шәмшугаян Хәернас кызы һәм Исмәгыйль Ярулла улы Идиатуллиннар ун бала үстергәннәр. Хәзер гаиләдә барлыгы 125 кеше исәпләнә.

Идиатуллиннар кызыклы иҗат номерлары күрсәттеләр, үзләре һәм авыл тарихы турында сөйләделәр. Ә кичә азагында барысын да татар ашлары белән сыйладылар.