7 июльдә Түбән Камада гаилә фестивале узачак

Җиденче июльдә Түбән Камада «Түбән Кама — бәхетле гаиләләр шәһәре» фестивале узачак. Чара «Гаилә» паркында оештырыла. Сәгать 14тә башлана.

Шәһәрлеләр өчен мастер-класслар, конкурслар, спорт уеннары каралган. Шулай ук ачык һавада иҗат коллективлары чыгышы һәм кино карау оештырылачак.

Моннан тыш, бәйрәмдә «Гаилә — Түбән Кама горурлыгы 2024» муниципаль конкурсында җиңүче парларга «Мәхәббәт һәм тугрылык өчен» медальләре тапшыру, күп балалы гаиләләрне һәм гаилә юбилярларын хөрмәтләү узачак.