2023 елның беренче матур датасында Түбән Камада 13 яңа гаилә барлыкка килде

Дүшәмбегә карамастан, Түбән Каманың никахларны теркәү сараенда кеше күп иде.

Бу парлар бөтенесе дә елның беренче матур датасы — 23.01.23 көнне никахларын теркәргә дип килгән, дип яза Түбән Кама муниципаль районы ЗАГС идарәсе матбугат хезмәте.

Бу көнне 13 пар үз мөнәсәбәтләрен законлаштырырга булган.

«Нумерологиягә ышансаң, 23 саны тормышка уңай үзгәрешләр кертә. Саннар тылсымы безнең яңа өйләнешүчеләргә дә уңыш китерүен телибез! Бер-берегезне саклагыз, сөендерегез һәм хөрмәт итегез. Чиксез бәхет һәм мәхәббәт!» — диделәр идарәдә.