Түбәнкамалылар фаҗигале юл һәлакәте булган урынга уенчыклар алып килә

Фаҗига 30 июньдә Гагарин урамында була. Җәяүлеләр кичүеннән самокатта чыгып килүче 9 яшьлек кызны Renault Duster автомобилен йөртүче 61 яшьлек шофер бәрдерә. Кыз урында һәлак була. 

Фаҗигадән соң шәһәр җитәкчелеге Гагарин урамындагы җәяүлеләр кичүендә ясалма тигезсезлек урнаштыру турында карар кабул итә.

Түбәнкамалылар фаҗига урынында хәтер мемориалы оештырды. Кешеләр чәчәкләр һәм, әлбәттә, уенчыклар алып килә. Йомшак уенчыкларны, курчакларны кызның велосипеды янына куялар.