Түбән Камада үлем белән тәмамланган юл һәлакәте булган

30 март иртәсендә Түбән Каманың Чабьинская урамында махсус автостоянка янында юл-транспорт һәлакәте теркәлгән. Volkswagen шоферы һәлак була.
Бу хакта НТР 24 телеканалы хәбәрчесе вакыйга урыныннан хәбәр итә.

Авария сәбәпләре билгеләнә, урында янгын сүндерүчеләр, медиклар һәм ЮХИДИ хезмәткәрләре эшли.

Беренче фаразлар буенча, руль артында барган шоферның хәле кинәт начарлана. Нәтиҗәдә, машина идарәне югалта, юл читендә торган фурага, соңыннан коймага бәрелә.