Түбән Камада җәяүлеләр кичүендә баланы КамАЗ бәрдергән мизгел видеога эләккән

Түбән Камада светофорның кызыл сигналына узган «КамАЗ» шоферы 13 яшьлек баланы бәрдергән.

Юл-транспорт һәлакәте дүшәмбе, 8 гыйнварда, көндезге сәгать өчләр тирәсендә була. Малайның җәяүлеләр кичүе аша чыккан вакыты була, дип хәбәр итә Татарстан прокуратурасының матбугат хезмәте.

Малай җитди булмаган җәрәхәтләр ала, аңа кирәкле медицина ярдәме күрсәтелгән.

Вакыйга буенча административ тикшерү кузгатылган. Аның барышын һәм нәтиҗәләрен Түбән Кама шәһәр прокуратурасы контрольдә тота.