Тешләрне алдырганнан соң комага киткән түбәнкамалы вафат булган

Бер атна элек ир-атны Казанның 7 нче шәһәр хастаханәсенә салганнар. Узган төнне аның йөрәге туктаган.

Искәртеп узабыз, элек Денис Түбән Камада яшәгән, ә соңрак Казанга күчеп киткән. Март азагында ул дәваланырга дип туган шәһәренә кайткан. Ике тешен алдырганнан соң ир-атның яңагы шешә башлаган. Бераздан түбәнкамалы Казан хастаханәсенә мөрәҗәгать иткән. Анда аңа операция ясаганнар, әмма аның йөрәге туктаган. Денисны медикаментоз кома халәтенә керткәннәр һәм  "ИВЛ"га тоташтырганнар. Берникадәр вакыт узгач, табиблар "башка берни дә эшли алмыйбыз", дип мөстәкыйль йөри, ашый алмаган ир-атны больницадан чыгарганнар.