Фаҗига
Татарстанда велосипедчы трактор прицепы тәгәрмәче астына эләгеп һәлак булган
Юл-транспорт һәлакәте шартлары ачыклана.
Татарстанның Кукмара районында үлем очрагы белән тәмамланган юл-транспорт һәлакәте булды, дип хәбәр иттеләр республика Дәүләт автоинспекциясендә.
Мамадыш — Кукмара трассасының 2нче километрында «Беларус» тракторы йөртүчесе велосипедта барган 60 яшьлек ир-атны бәрдергән. Ул, якынча мәгълүматлар буенча, каршы як юлдан хәрәкәт иткән. Кайсыдыр бер мизгелдә идарәне югалткан һәм прицеп тәгәрмәчләре астына авып киткән.
Нәтиҗәдә, велосипед йөртүче алган җәрәхәтләрдән урында ук вафат була. Юл-транспорт һәлакәте шартлары билгеләнә.
"Одноклассники"да сезне көтеп калабыз.
Следите за самым важным и интересным в Telegram-каналеТатмедиа
Нет комментариев