«ГАЗель» машинасы тукталыштагы кешеләр өстенә килеп кергән, бер кеше үлгән

Казанның Идел буе районында кешеләр булган трамвай тукталышына барып кергән. Бу хакта авария шаһитларына сылтама белән «Татар-информ» хәбәр итә.

Авария Җиңү Проспекты белән Мәүлетов урамнары киселешендә, «Универсиада Авылы» трамвай тукталышында була.

Беренчел мәгълүматлар буенча, авария нәтиҗәсендә ир-ат һәлак булган. Тагын ике кеше зыян күргән.

Юл-транспорт һәлакәте аркасында 5, 5а, 7 нче трамвай маршрутлары хәрәкәте вакытлыча туктатылды, дип хәбәр итә «Метроэлектротранс» матбугат хезмәте. Урында ашыгыч хезмәтләр эшли.

Фото: «Метроэлектротранс» МУП матбугат хезмәте