Башкортстанда шәхси йортта чыккан янгында дүрт кеше һәлак булган

Башкортстанның Благовар районында шәхси йортта чыккан янгында дүрт кеше, шул исәптән бер бала һәлак булган. Бу хакта төбәкнең Гадәттән тыш хәлләр министрлыгы идарәсенә сылтама белән ТАСС яза, дип хәбәр итә Татар-информ. 

«Янгын 79 квадрат метр мәйданда локальләштерелде. Кызганыч, утны сүндергән вакытта дүрт кешенең мәете табылды. Өч олы кеше, бер балигъ булмаган бала, аларның шәхесләре ачыклана», — диелә хәбәрдә.

Хәзерге вакытта фаҗига урынында Россия Гадәттән тыш хәлләр министрлыгы тикшерүчесе эшли.